من عبق الصحراء

الغريب ان الكلآم و طآقته محدوده
و الاكيد انك بعد حيي و ابو حيَآني
هز غصن الشوق يمي و أن قدح بآروده
مآ عليك الا ليآ دوَرتني تلقآني؟

‏سلم على اللي فاقده ولا فقدني
وقله بعد ماتقول لعيونه اشتقت
محلله عـن كل وعـد وعــدنــي
ومسامحه عن كل ليله تضايقت!

كنت أحسب ان " الروح " مابعدها " روح "
ولا فيه " روحن " حبها مثل" روحي "
وعرفت أن " الروح " ترخص لجل" روح "
"روحن" غلاها زاد عن حب "روحي:

المرجله " شيمه " عن القيل والقال
رفيع نفس"ن" حر " بّ الجو , حايم
المرجله " عقلٍ " وزن "وزنه "جبال
ودون " العقل" وش فرقنا و البهايم
و خلك شــريف القصد يّ طيب الفال
سوء " المقاصد فِ البيوت الهـدايـم!

القلوب الطيّبه ........ مثل الـذهب
مـا تصـدّا من بشـر ... وإلاّ سنين
مـا نفع زين النسـب ..... أبو لهب
ولا شفع له قرب خير.. المرسلين !

احدن يقول إن ( الھوى ) فيه راحه
واحـدن يقـول إن المحبه بلا طـب
وان كـان تبغاهـا بـ صـدق وصراحـه
قليل منهو يفهم اصلا وش الحـب؟

غيم ومطر والخير في الجو بارق
ماهو بوقت فراق سنع ظروفك
خل المفارق صح وقت المفارق
لاجا عجاج تروح ماأقدر اشوفك !

ادمح ( الزله ) قدر ماتستطيع
وصد عن بعض الامور وخلها
وابتسم واضحك وسولف للجميع
والهروج ( العوج ) لا تفطن لها

آسجدلربك واحضن الآرض في ذل
لاضاق صدرك من هموم ومعاصي
وآخضع خضوع العبديوم القدم زل
وآنص الذي مـآخآب من جآه ناصي

سـبحـان مـن جعـل الـقلوب تحب
نـاس مـن طـرحه وهـي ماتعـرفها
اقفال للشر وامطار بالخير تصب
واصدق الكلمات لمتذوقي الادب تعزفها